婚禮籌備 - 婚宴攝影篇@純美新娘

搞完酒席, 婚紗攝影, 就到婚宴攝影啦, 哩d都係要一早要book/ 訂定. 不過今次都有d 失左預算, 初初諗住都仲有一年多, 早三個星期前出左金都睇, 睇下純美新娘今年d 價點樣 (其實都係差唔多價錢). 因為都有朋友岩岩結婚揀左哩間, 同埋o個日我都在場, 見2位師傅 (1p +1v, 係IVAN 同阿PAT, 應該都好出名下架啦) 都好盡心盡力影同拍. 但一心諗住等埋朋友d 相出黎影得好冇先決定, 反正仲有時間嘛 (o個刻咁諗). 仲拎左其他幾間既單張睇下, 其實都係走馬看花, 從間鋪show 出黎既野你根本唔會知佢到時影得好冇, 因為多數每間鋪都有好幾個或十多個師傅, 你都唔知邊個好, 所以最好有朋友幫襯過又覺得OK既先好決定就穩陣D 囉. 而且價錢其實又唔會差太遠.

跟住睇埋個fd d 相同片, 我地都覺得拍得唔錯, 所以上星期就出番去純美度搞埋佢, 點知一心諗住都用番 IVAN 同 PAT, 但係o個日已經比人book 左la~~, 跟住老闆話Alex 啦, 都幾好架. 咁我問過fd 都話ok 就拍版啦, 廢事再諗下又冇埋. 所以各位如果睇岩揀左邊間又知道或覺得邊個1C + 1V 就好快去馬, 早D BOOK 定, 免失預算或後悔.

繼酒席外, 我覺得哩個係應該越早BOOK 定越好既! 重要過婚紗攝影添! 咁有BUDGET 既朋友當然大把選擇啦. 我地哩d 窮L, 又要平又想要正, 邊有可能丫. 希望唔會太差就OK架啦.

TOTAL: $5,060, 訂金$1,680. 包既野都係o個幾味架啦~~
成長片段, 早拍晚播, 跟足你一日 (中間有1-2粒鐘佢會番去拈早拍晚播), 相薄, 拉架, 15R大相 X 2 等等.

80後結婚 「最低消費」40萬!?

講真哩家o下結婚真係要量力而為, 唔好為左要威就乜都要最/ 最好, 為要威而要咩到成身數, 咁結婚黎仲有乜意思? 最緊要開心嘛! 而真係想結緍既朋友就千其唔好比哩d 報章既標題呃左, 嚇驚左, 我肯定話你知一定唔會係最低消費40萬囉! 咪比佢老點!

補充一下大慨預算, 好多野我都預大左舊數的: 

律師		$4,000
酒席 (當30席)	$6500/席 x 30	$195,000
租衫 (2位媽咪)		$3,000
姐妹裙		$2,000
新娘/新郎租衫		$12,000
化妝		$6,000
攝影	1c + 1v	$6,000
禮金	哩個就冇得計
婚紗相		$15,000
結婚戒指		$8,000
租車		$1,500
利是		$10,000
雜費		$10,000
婚前驗身		$1,500
	共消費	$274,000
減 - 預計可收回的人情 (當全部都比$500 好未?)	$6000 x 30	$180,000
	實際支出:	$94,000

婚禮籌備 - 婚紗攝影篇@法國婚紗

上一回講到訂左酒席後又做埋籌備結婚第二樣重要既事, 就係影婚紗相. 聽襯影左結婚相既朋友講, o係香港影既最平o個個都要$15,000, 有d 朋友就$2x,xxx 都有, 咁當然要視乎你最後揀左幾多張相 or over 左幾多張, over 得多既都幾襟計架.... 咁自己心目中都有個budget 先

咁 見酒樓都有送一個coupon 係現代經典既婚紗攝影, 反正o係尖沙咀金巴利道o個邊, 都唔係好遠, 一於過去睇睇. 但佢比我地睇o個d sample 真係冇一張相係令我有反應係話ok喎哩張, 之後都冇心機睇, 佢再介紹比我都係徒然, 亦都冇謂浪費大家時間, 一於閃人去第間睇下. 雖然係有coupon 話就話4千幾蚊搞掂, 但包既野係唔多囉, 哩樣加D O個樣加D, 根本有COUPON 同冇COUPON 差唔多.

之後過見到對面有間門面望落幾 "肆" 正, 原來係法國婚紗攝影, 當時我唔知係咩價錢架, 有朋友影過都話最後要成$15,xxx. 唔理啦~見好似ok 就入去索下咩料先, 問下又唔洗死既   睇過佢D 相, 覺得影得唔錯 (明星效應?). 不過真幾鐘意佢哩種style, 我地都好like, 睇完哩樣又o個樣, sales 可能以為我地黎運吉, 開頭唔算好賣力招呼我地, 但見我地似乎真係要揀定攝影, 跟住就好落力招呼我地.

婚禮籌備 - 酒席篇@利寶閣

終於要準備步入人生另一個階段, 求婚成功後, 搵阿媽叫d 神婆擇個要下年擺酒既日子比我去訂酒席, 9月尾阿媽就比左個幾日子我, 佢比左5,6 個日子我揀, 但係得一個係2012年, 其他都係2013年既1月... 點解? 因為阿媽計開農歷, 唔緊要啦, 照出去睇下鎖定左某幾間既酒樓有冇期先啦, 反正都唔會咁快就扑槌架啦. 其實之前已經睇過尖東o個間鳯城酒家, 但最想睇都係銅鑼灣利舞台 - 利寶閣 (都係友人前之去過話ok, 但佢唔like 有柱同樓底較矮), 不過我我又覺得接受到. 咁就打電話去問啦先知銅鑼灣分店裝修緊, 咁就要過奧海城度睇同傾d details 野, 約左負責人10月5日.

其實去到問佢既問 題, 好多都話包兼寫哂o係張菜單上面, 都好details, 咁我地都覺得價錢又ok, 都唔想再周圍搵同又怕2012 年年尾好多酒樓都冇乜期, 其實黎黎去去都差唔多價錢, 可能有D 係平少少$200-300咁, 但係有D 地方又加番你, 其實係差唔倒好多價的, 哩度我地想要既都包左, 而佢而家只係按2011年菜單既價錢+最多5% 黎計, 因為2012 年個菜單又唔係咁既價錢架啦 (斷估間間酒樓9x9 都加價架啦), 咁計過數都合理既, 所以諗左陣就扑槌去馬了!

經理話唔好講咁多, 磅水啦~~20%訂唔該, 咁又嘔2皮幾野出黎... 搶錢呀

電腦圖, 琴日上過去睇, 已經裝修好, 由18樓搬左上21同張圖一樣樣, 幾好. 不過一年後咩樣就難保了

琴日上去時拎埋佢個2012 年既菜單, 由$5,388 up, 哇~~ 加成8%!!! 咁我LUCKY了, 頂多+5%.

Floor plan, 26席可包場, 最多32席


搞掂酒席後, 勢估唔到第二樣重要既野都同一日搞掂埋.

欲知是什麼, 下回分繞...