利小館@銅鑼灣

銅鑼彎唔食魚生，扒房，榮記，興發，都真係冇咩好食，丫又比我誤打誤撞入左間叫"利發小館"，原來係食上海野既，估唔到又幾好食，下次一定再Encore. 每有荷葉飯既地方，我一定會叫，童年至愛，而家唔多茶樓有得食，唔錯！ 去片！

鮑汁雞粒荷葉飯, 個人覺得好食過東寶... 東寶之前食過覺得佢d 飯太淋, 哩個d 飯煮得岩岩好又夠味, 唔錯!
醉雞, 都算入味, 雞又夠滑 係爭緊少少酒味姐, 唔夠酒味, 又點為之係醉雞呢, 爭少少.

生煎飽 - 好好味，個飽超軟熟，又的的色色易入口，下次必叫!

桂花釀丸子 - ok 啦, 但唔會encore

佢就係o向時代UA隔離扶手電梯一落去個位 (舊和民).

  

邊度有再好味d 既荷葉飯食呀?? (唔要東寶)

味道: ★★★★

地址: 銅鑼灣勿地臣街1號時代廣場地庫2層B217-B218號舖