東京自由行 - 喪食之旅 Day 1 無敵家 天丼てんや

Day 1 香港 -> 成田 -> 池袋
神咁早4點半就要起身, 訓得o個3粒鐘, 真係除左旅行之外, 睇怕我冇可能會有咁早起身既一日. 要搭最早o個班A10, 所以5點15分就要上到去車站等定同JOIN埋另外2個FD, 廢事MISS左班車就有排等啦! 所以我地都好準時上到第一班車, 佢地幾個就繼續訓, 我就訓唔到啦~ 唯有睇下動畫 (叛逆的魯路修), 正! 坐個零鐘, 我地終於抵達機場啦. 

 

第一件事緊係去check in 啦!


填飽個肚先上機~

我地坐哩架

出面凍到起雪花呢

好~~到嚕! 好有一種relax既感覺呀!

落機第二件事緊係買飛啦, 唔係點去酒店呢

我地坐 Skyliner, 繼過係最平又岩我地用既package, 包來回車票 + metro 1 day pass (DAY 4去築地同迪士尼用)
網址比埋各位又點話 http://www.keisei.co.jp/keisei/tetudou/skyliner//pdf/skyliner_metro.pdf

好~~上車啦


o係日暮里轉 JR 去池袋番酒店先

Hotel Metropolitan, 我地住哩間


CHECK IN完就行過去無敵家, 大慨10-15分鐘啦, 大家都好肚餓呀, 第一站 <無敵家> 我黎啦!

到啦, 認住佢三大鑊寫住! 行到好熱呀, o係門口有扇拎就笠埋佢, 你地唔好學呀XD
竟然冇人排隊!! 可能5點左右時間唔多人啦, 到我地食完出黎就已經要排隊了, 我地真係好彩!

嘆番杯凍茶先, 爽呀

我地叫左蔥叉燒拉面 & 本丸面


可以+既調味料, 不過其實唔洗+都得

隔離O個位哥仔食到"雪雪"聲, 好期待架呢

蔥叉燒拉面, 湯/麵/肉都好平均, 正呀!!

本丸面, 這個湯底比較濃味同油, 女仔食會比較"漏'

太好味了, 食清光^^

經過見到幾吸引, 買定黎陣間食.


跟住去SUNSHINE CITY方向進發, 周圍行下, 買定D浸浴同貼腳既膠布, 因為預計會行到斷腳..

唔好搞錯當左做薯片呀XDDD

試下哩間出名大大粒既八爪魚丸

我地都覺得唔好食, blk listed!

其實係好好味的, 可惜已經溶左...

如果有睇命運石之門, 我諗你都會買黎試下, 不過係好藥水.... 唔明點解個主角咁鐘意飲...



o係哩度周圍行下, 同去迪士尼專門店買定飛

見佢地要排隊買迪士尼飛, 我又肚圍行下, 見到個肥仔聊我吹水, 試過佢幾種味之後就幫襯佢買左杯雪糕成HK$5x. 薄荷味, 好好味^^

晚餐就係哩度天丼 てんや啦~~

我地要左天婦羅蝦

炸得好脆, 正!


哩個係我成個團唯一一餐烏冬, 估唔到+埋佢個汁一齊食係咁好味, 同埋好'煙un", 正!


黎個全家幅先啦!


跟住就行去d 24小時super market 買定d燒野.

沖完涼拎出黎時先發覺原來係冇冰格, 已經溶左...

個提子就好味, 細細粒容易食呀, 不過d甜蝦同刺身就麻麻, 係得個蟹柳好食, 成程最美中不足就係哩餐~ 不過燒夜, 唔緊要啦XD (安慰自己~KAKAKA)


Day 2 待續...