加勒比海盜：魔盜狂潮

唔經唔覺魔盜王已經拍到第四集, 一向有追開魔盜王既我早已買定飛琴日睇.

今集少左姬拉麗莉and奧蘭度布林, 始終好似爭緊d, 可能睇慣左啦. 而就搵黎彭妮露古絲同尊尼特普黎一個鬥氣冤家, 不過個感覺始終比唔上美人魚同傳教士o個段情咁真摯感人, 我亦都認為係此片最好看既一part.

So far 黎講一定係唔夠1-3集咁緊張刺激, 但綜合黎講都係算ok既, 如果你係魔盜狂迷就一定要睇

不過3D就真係好呃錢, 完全唔覺有D咩3D效果, 唔該唔好再拍3D黎呃戲迷錢OK?

東京築地拉麵@旺角

琴日出去九龍城影相, 原本打算去澳門翠苑食野, 地址寫係"上海街557號旺角熟食中心2樓", 睇map應該o係朗豪酒店隔離, 但係搵唔到... 咁就唯有求其就手啦, o係附近見到間新開既拉面店.

佢地自稱d拉面係自家製, 面食落又真係幾好食, 我信佢係自家製既, 因為望到廚房有人整緊面.
我地三人行叫左以下三款面, 正確名稱唔太記得, 淨係記得個number.
1號) 日本黑豚肉拉面 - 肉+湯底都幾好, 唔錯  $62

Short Put/Call 抗通脹

襯等IP4 白色開賣之際 (等到一點冇就訓), 有時間 9UP 下 SHORT Put/Call (SP/SC) 抗通脹之法.

首先如果係有買開正股既朋友, 其實可以考慮做有期權既股份做 SP, 我自己會建議做內銀, eg. 1398, 3988, 939, 1288. 以今日1398收6.58為例, 如果係打算以6.5左右入貨既, 就SP 即月1398 6.5既價位, 收期權金0.12(其實可以做6.25, 但期權金會少一點) , 只有0.04). 

咁我用6.5價位為例啦, 當閣下想入10手1398 @6.5, 其實可以唔洗直入正股的, 而可以做SP即月6.5收期權金0.12, 按金313 (做Short係要比按金的, 股價跌時按金會加大), 所以做10手按金係3130, 期權金 = 0.12 x 10 (手) x 1000 (合約倍數) = $1200, 期權金會先入賬的, 咁到月尾時如果1398都跌唔穿6.5價位既話, 咁你開SP時所收取的$1200期權金就會袋袋平安, 但1398跌穿6.5以下, 當收6.4為例, 但你都要預留6.5 x 10手既錢去接貨, 但其實你接貨價實質係 6.5 - 0.12 (你開SP時所收取的期權金) = 6.38.

好啦~接左貨之後點呢? 其實又可以做SC, 方法係同SHORT PUT一樣道理, 做左某個價位, 出到就出, 出唔到又收期權金.

這個方法是給只玩開正股 (成份股) 的朋友多一個選擇, 好處係唔洗一次過hold住一筆錢, 當月頭做月尾真係要接貨, 最少都多2x日既cash flow.

貴金屬戶口

繼之前買入實銀之後, 今日終於走去開左個貴金屬戶口, 本存摺好型, 金色的^^

為風險分散, 除股票/期權投資外應該持有一些貴金屬資產, 等d銀跌多少少會入開始第一注紙銀 (倫敦銀 10 oz), 希望每2個月買一手以抗通脹, 點都好過渣HKD等死... 其實還有其他類別的選擇如下圖, 不過個人覺得銀當中既價值還未被人所發現.

德成號@北角

得成號係賣咩架呢? 就係蛋卷, 已經有七十多年歷史, 佢係非一般蛋卷, 唔係話你經過入去買就會有得賣比你, 要睇佢地當日有冇得剩, 運氣好既話可能會有一款你揀, 所以基本上係要訂的, 尤其係節日哩d最好早幾個月訂, 之前我新年訂黎送禮係要中秋節時要訂了....真係巴閉!

味道方面有三款選擇:
1) 原味 = 家鄉雞蛋卷
2) 牛油 = 牛油雞蛋卷
3) 椰子 = 鮮椰雞蛋卷

我訂左原味同牛油味, 個人喜歡牛油味多d, 比較香, 原味就則重蛋味d, 看個人喜好吧. 咬落去真係好鬆化, 抵佢咁巴閉!

o的花紙都幾colorful架, 送禮岩哂!

 

 

想節日送禮既最好提早訂啊！

消費: ＄５ｘ起
味道: ★★★★
地址: 北角渣華道64號地下