投資理財 ~ PoonsLifestyle

顯示具有 投資理財 標籤的文章。顯示所有文章

2012年3月27日星期二

牛熊證 - 死牛都有錢賺?

有人問點樣死牛都有錢賺, 如下:

例如 63533 (HSI 22900 回收) 而今日恒指低位係 22888, 你又咁岩可以今日DAYLOW 0.01x 左右買到 (其實好多時就死既牛/熊都會負溢價的, 所以都好大機會買倒, 尤其是係UB, CS 既發行商)

2012年3月26日星期一

上次排唔到或者冇抽既朋友，我地又有機會啦～～！！有錢齊齊搵！！

請到以下網址進行網上認購:http://www.bankofchina100.com/index.html?ds

中銀早前發售紀念鈔票造成混亂，當市民以為 110萬張單鈔已售罄，中銀卻再推 40.5萬張。原來中銀當日以安全為由，售出 70萬張後便叫停派籌，「彈弓手」留起單鈔，下月 26日改以認購形式發售，市民毋須再排隊搶購。

BOC100_2

2012年1月2日星期一

過去經歷

2011年第一天, 打算開始記錄一下自己對股市投資等事項, 等自己可以做個資料及希望跟朋友們交流心得及知識, 希望可以學到老賺到老!

其實自己就從07年開始踏中股市哩個大賭場, 由初初咩都唔識玩埋哂o的個名叫咩咩石油, 覺得石油股好既就買, 其實個名係叫乜乜石油, 但佢根本都唔係做o個類業務既, 最後先知哩o的叫做仙股, 買呢o的係非常危險的, 除時可以單日暴跌幾成, 渣到冇. 之後慢慢學下學下先玩番藍籌國企哩o的, 安全好多.

o個陣有o的同事係炒股的, 就開始轉玩藍籌國企同有關既窩輪, 牛熊等等. 由港股直通車開始全民皆股, 又話睇好中國搞奧運, 阿爺唔會比個市冧, 到真係冧落黎, 短短3個月18xxx點升到差不多32000點, 再sir番落黎到08年見底, 日日大上大落, win幾萬輸番幾萬真係等閒事, 每天都沉淪o係個市度, o個時買一隻輪最少都壓注幾皮野, 最多試過一隻call輪係價值12萬... 諗番起都覺得恐怖, 哩種情況跟本就係賭徒既行為, 最後亦都係我玩咁耐以黎輸得最甘既一次, 之後就開始戒開哩鋪癮, 慢慢抽離番幾個月. 到09年頭都係玩番d正股渣下炒下. 其實都係得個吉!

到了09年尾, 一位朋友開始研究期權, 跟他研究後, 又覺得係喎, 好似好易賺咁, 跟住就去試了.

期權有四種如下 (這裡輕輕帶過, 遲下會詳解一下, 每種的應用):
1) LONG CALL (買入認購期權), 簡稱 LC
2) SHORT CALL (沽出認購期權), 簡稱 SC
3) LONG PUT (買入認沽期權), 簡稱 LP
4) SHORT PUT (沽出認沽期權), 簡稱 SP
* 做SHORT (我地叫做莊) 係要比按金的

咁我地其實就只會做一種, 就係SP (沽出認沽期權), 手痕就另計啦, 因有時都會玩下其他3種. 以 CLI (2628) 為例, 假設1/11/2010的股價是38, 我認為下個月31/1/2011跌唔穿37蚊就收期權金0.75左右, 合約單位係1000 (有D股會係100, 500, 2000, 5000為單位), 咁1手按金大約$1200, 咁若果31/1/2011 CLI真係跌唔穿34蚊, 你就會收0.56 x 1000 = $560, 結果係你只需付出大約$1200就可以贏$560.

哇~~用$1200蚊就可以$560, 買10手就贏$5600蚊啦喎, 正喎! 個市咁好勢點會跌得多丫, 就做10張先, 最後個市向下, CLI當然會插啦, 一插插左幾蚊, 期權金就由0.56 升到去成2蚊, 中間見唔對路既已經走緊左一半. 淨番既咪守囉, 最後吸取了這次教訓之後就發覺唔可以做得咁近, 除非你係預有錢接貨, 否則是很很危險的做法.

再經2010年探討及測試過後, 發現做遠期遠價SP (我地叫佢做龜, 因為慢慢地有收成, 起馬要做半年以上的遠期及遠價) D比較安全既股份係可以得成功賺取利潤的, 例如內銀三寶 (939, 1398, 3988) 及A50為主力, 點為知遠價? 以2010年10月份左右既價作參考:
- 1398 做緊6.3, 就去做5蚊樓下的
- 2823 做緊13.6, 就去做10.5樓下的

不過專家係唔建議做莊 (SHORT) 的, 因為通常o的人都係做即月同貼價既SHORT, 所以係好大風險的, 而我地所做既係 = 將舊錢放半年以上定期收息一樣, 不過哩個係一個超高息定期, 但一定要控制注碼, 最少預留50%資金留待大跌的時候守倉 (因為跌市會加按金) 或再加倉.

總之要預突如奇來的事件跌1, 2千點都唔會TOUCH到你個價位. 因為通常突發事件發生後, 1個月後都會升番, 例如911咁, 半年時間就升得番哂. 同埋哩幾年既股市明顯節奏係快過以往, 就算真係有突發事如911 哩o的, 我諗1-2個月左右就可以無事, 最重要既e+係牛市!

2011年6月1日星期三

國內人民幣定期 (完成版)

終於搵到一間o係香港入場費做人仔定期既銀行, 就係永隆. 只須CNY$30,000 就可以辦理, 仲要免電匯費用, 優惠期到2011年12月31日. 想辦理的話, 以下幾點要注意:

1) 帶身份證, 回鄉證及住址證明
2) 每日存款上限CNY20,000
3) 同時要開埋HKD戶口, 最少要入HK$10
4) 所有戶口夾埋要不低於HK$5,000, 否則每月有收費HK$50

佢地要將D資料SEND番上大陸, 過程大約3天, 最好預一星期時間, 然後就可以享有國內息口, 現時我做三個月定期, 我揀左自動續期, 如果唔自動續期要每落去分行簽名, 很麻煩的, 所以寧願唔想定期時才下去停續, 這樣比較方便.

現時國內息率如下:

2011年4月28日星期四

Short Put/Call 抗通脹

襯等IP4 白色開賣之際 (等到一點冇就訓), 有時間 9UP 下 SHORT Put/Call (SP/SC) 抗通脹之法.

首先如果係有買開正股既朋友, 其實可以考慮做有期權既股份做 SP, 我自己會建議做內銀, eg. 1398, 3988, 939, 1288. 以今日1398收6.58為例, 如果係打算以6.5左右入貨既, 就SP 即月1398 6.5既價位, 收期權金0.12(其實可以做6.25, 但期權金會少一點) , 只有0.04).

咁我用6.5價位為例啦, 當閣下想入10手1398 @6.5, 其實可以唔洗直入正股的, 而可以做SP即月6.5收期權金0.12, 按金313 (做Short係要比按金的, 股價跌時按金會加大), 所以做10手按金係3130, 期權金 = 0.12 x 10 (手) x 1000 (合約倍數) = $1200, 期權金會先入賬的, 咁到月尾時如果1398都跌唔穿6.5價位既話, 咁你開SP時所收取的$1200期權金就會袋袋平安, 但1398跌穿6.5以下, 當收6.4為例, 但你都要預留6.5 x 10手既錢去接貨, 但其實你接貨價實質係 6.5 - 0.12 (你開SP時所收取的期權金) = 6.38.

好啦~接左貨之後點呢? 其實又可以做SC, 方法係同SHORT PUT一樣道理, 做左某個價位, 出到就出, 出唔到又收期權金.

這個方法是給只玩開正股 (成份股) 的朋友多一個選擇, 好處係唔洗一次過hold住一筆錢, 當月頭做月尾真係要接貨, 最少都多2x日既cash flow.