澳門喪食遊 JUN 2011 Day 1

澳門大家一定唔會勿生, 好多人都有去過, 仲可能一年去好多次添! 皆因澳門2日1夜已經好夠玩, 星期六, 日咁又唔洗請假, 係一個短線遊既好地方. 可以滿足到喜歡食既人之餘, 亦都滿足到一D賭徒XD 賭我就唔係好好的, 但過得去有時都會玩番兩手, SET左一個數目, 無論贏輸都走, 唔好磨, 十賭九輸, 咪搞! 

最近哩兩年都有去, 去既原因大部份都係為左食XD. 我覺得一年去一次都OK丫, 不過E+去澳門住一晚都幾鬼貴, 平日都還好D, 星期五, 六, 日坐底都千幾蚊晚. 今次我去住希臘神話O個間 (o係氹仔), 皆因上次住過佢UPGRADE 左間房比我地, 覺得好正, 不過今日冇UPGRADE 真係覺完全唔掂呀. 放低哂行履就展開喪食四人行之旅啦!!


第一站: 六記粥麵
地址: 沙梨頭沙梨頭仁慕巷1號D地下

餐牌



蟹粥必叫啦, ok啦, 唔係特別好食

炸駌鴦 (即炸雲吞, 魚球)

個炸魚球真係好好食呀!! 下次必點! 一人一粒唔係好夠!


蝦籽麵, 估唔到咁好味, 但好細碟, 真係唔係幾夠喉!


食飽要等個肚落一落格先可以再戰! 咁就走去賭番兩手先啦! lucky 有錢win ^^ 幾多? 夠每人食餐飯咁啦!

第二站食翅, 夜晚8點倒, 黎到都要等10分鐘倒先入得呀!
岩哂我哩D窮鬼, 冇錢買翅食, 哩度好抵食又好味!

雞絲竹笙砂鍋魚翅 3-4人份量, 好正!

豪華碗仔翅, 哩個冇砂鍋咁好食! 下次再黎一定ENCORE 砂鍋!

食完翅向前行左轉, 有間保健牛奶公司, 一於殺入去食番個甜品先!

第三站: 保健牛奶公司
地址: 新馬路褔隆新巷4號

雙皮奶~~唔錯!

友人叫的, 咩紅豆涼粉冰, 應該麻麻地XD


食飽又周圍行下影下相啦~

第四站: 明記牛什美食
地址: 新馬路爐石塘巷

哇, 等巴士番氹仔時, 見到對面檔牛雜勁多人排隊, 以我地咁為食既一於唔執輸買番盒牛雜黎食啦. 無諗過真係咁好味, 超入味, 好正!


第五站: 愛斯.奇武咖啡西餐廳

11點架啦, d fd 仲要食宵夜咁話, 氹仔食店其實好多都收哂, 根本冇乜選擇, 見哩間餐廳仲有開收好似12點? 一於摶一摶試下啦, 店內只得我地, 其實對佢都冇乜期望. 但竟出乎以料之外....

奇異果沙冰/ 奇異果奶, 沙冰好好飲 (我叫既^^)  奶就麻麻~NO WAY

小食先來, 哩個豬耳好好味! 好LIKE佢個汁!

炸得幾好!

雞翼尖就一般


腎, 尚可吧


拉面, 冇諗過會好食 不過我地都仲肚餓, 至在填飽個肚XD

估唔到哩個西多士又炸得幾好, 唔錯!

估唔到哩間野都幾好~~宵夜可以諗諗佢丫! 不過唔知E+執左未?


Day 2 待續...