澳門喪食遊 JUN 2011 Day 2

第二日, 繼續展開我地既喪食之旅! 由氹仔出發去路環區. 今日第一站其實係一個好偏僻既地方, 仲要上斜坡再落石梯先至搵到. 我朋友行到身水身汗. 為左咩? 為左試下哩個傳說中既手打咖啡! 不過佢地O個 pair 都唔 like 飲咖啡, 真係辛苦哂佢啦!


第一站: 漢記咖啡
地址: 路環市區荔枝碗路

攀山泄水終於到了. 橫裝很簡陋, 不過都有幾枱街坊o係度食緊野.

餐牌

點了豬扒飽, 豬扒蛋麵, 凍奶茶, 當然仲有手打咖啡啦, 唔係都唔會黎

等食中, 前面左手邊就係水吧

飲品先來, 傳說中既手打咖啡就o係我面前了, 個樣好得!! 味道點? 賣個關子先...

凍奶茶, 完全唔很掂.. 味道似奶水

豬扒包, 還可以

個麵淋左D

ZOOM 近D比大家睇, 有大大個照牌寫住手打咖啡

哩杯手打咖啡, o係茶記從來未飲過咁好飲既熱咖啡,  真係好得! 真係想睇下佢點樣手打去? 速度有幾快呢?? 不過要再山長水遠來淨係為杯咖啡就真是有點兒那個...


第二站: 安德魯餅店
地址: 路環市區市區打纜街105號

大慨等了20分鐘, 其實唔係好多人等位, 只不過係黎哩度既都係relax mode, 慢吃.

等食中...

唔知乜鬼咸牛肉薯仔

 唔食葡撻入黎做乜? 一人一個唔好爭! 個人覺得好食過瑪嘉烈. 

食完葡撻就過番新馬路繼續搵食, 試下阿"SHOW"講既牛雜, 不過都幾Q難搵. o係 d 巷仔度~ 最後都要問下人先搵倒~

第三站: 楊六記
地址: 新馬路爛鬼樓草堆街橫巷1B地下

只係想講唔係我地杯茶囉, 個人覺得陣味好"up", 有d 尿味feel!! sorry!


行到冇地方行就提早過左去黑沙環食林記, 上次食過已經覺得好正! 所以往後每次黎澳門都必定encore, 已經成為晚餐既指定動作之一. 記得最好訂定位先, 以免要等位 (尤其是假日, 實爆場的)

最後一站: 林記燒烤
地址: 黑沙環新街252-358號海濱花園第8座
電話: (853) 2845 3615

有咩好食? 必叫之一 - 咖喱牛腩! 牛腩同牛筋紋得好淋, 咖喱超惹味, 連唔太食得得辣既朋友都話正. 暫時味搵到有邊度既咖喱正過哩度~! :P

叫得咖喱, 一定配埋佢個即焗製既豬仔包, 一絕... 而家睇番相已經想再去食過...!

必叫之二~~羊架, 左邊係燒, 右邊係芥末香草焗, 燒既比較 juicy; 焗既比較香口, 芥末又唔太攻鼻, 非常正斗!

蜜糖咸豬手, 燒得唔夠脆皮, 又唔醃得唔夠入味 (定係專登唔醃呢?), 所以一般, 不會再encore


估唔到沙甸魚燒得幾好~~ 肉質都唔錯, 可惜已經好飽, 你地食埋佢啦...


下年再來過