君好扒燒西餐廳 (火山石燒) @ 灣仔

每隔一頭半個月就會好想割下扒, 一直都好想試下 Stone Grill 之類既餐廳, 有間叫 THE STONEGRILL 既, 曾經o係銅鑼灣利園o個頭出現過, 而加只剩番尖咀赫德道o個間, 不過我就未試過. 我係南區人咁緊係揀番近少少架啦~ 見到君好d食評都幾好一於去試下!

主打火山石燒既餐牌, 一人叫左一set火山石燒, 哩個set 係會跟湯同蒜蓉包, 包埋salad bar 既野食的.

咁係個set 未到前, 可以享用大堂既salad bar 有生果, 沙律, 煙三文魚, 青口, 湯, 蛋糕仔等等, 但我就覺得一般, 唔會話有樣野你會食完又想再食.



四人行揀左 : 西冷配龍蝦, 牛柳配大蝦, 肉眼配鮑魚, 牛仔扒配龍蝦.
舊石係好好好好熱的, 所以d肉好快熟, 所以要自己控制番個時間, 個fd 塊牛柳 (右上) 就係咁熟得劑, "孩恰恰" XD.
 

紅酒 4人行就會送一枝, 要黎濕下口都OK 既
這裡用料算是新鮮, 勝在用這個價錢食到又扒又鮑魚又龍蝦, 算是抵吧. 仲可以把玩一番對火山石既好奇

消費: $258 - 308/ 位
味道: ★★★★
地址: 灣仔摩理臣山道23號南洋酒店2樓
電話: 2831 1280

喜歡的話請到港飲講食專頁  給個讚吧