澳門翠苑茶餐廳@旺角

哩度有一樣野吸引左我要上個星期番o卓兩鑊, 你地估下係乜!? (懶係賣個關子先)
上星期一我出開黎整MK #5 度整文件, 整完見時間尚早就黎嘆番個下午茶

就係哩間, 2間都一樣的, 都可以買飛, order完佢會比個牌你, 你搵位坐低, 做好左佢就會有人送到你面前的了

叫左個豬扒包餐 + 凍咖啡

豬扒飽, 個包外脆內軟,; 豬扒醃得夠味唔鞋, 幾正!

----------------------------------------------------------------------
跟住星期六我又再黎, 今次拉埋女友黎叫一個飯, 一個常餐~~

羅宋湯牛腩通粉配豬仔包+凍咖啡, 個通粉就一般; 豬仔包同豬扒包個包一樣, 所以都係咁好味!


焗蜜桃豬扒飯, 唔太好食, 個汁唔掂, 豬扒搭救番都冇乜用, 最後我都食唔哂.


杯啡送到黎女友已經急不及待要嘗一嘗, 佢個反應係.... 唔知大家有冇睇過伙頭智多星, 似足味王暈遊太空一圈先番黎應我話真係好好味喎!!
其實一心黎就只係為左哩杯啡, 真係好滑, 冇酸味又有啡香, 連我平時鐘意飲奶茶行先既都要推介比各位哩個無敵凍咖啡就知有幾好飲啦! 所以鐘意飲咖啡既你千其唔好錯過呀!! 不過本人唔建議試熱啡, 但你都可以試完話我知得唔得既 ^^


食物味道: ★★★★
凍咖啡味道: ★★★★★
地址: 旺角上海街557號旺角熟食中心2樓8號 (o係朗豪坊對面)