日月星快餐@九龍灣

我諗o係得九龍灣番工或附近既街坊都冇理由唔識哩間茶記, 其實佢就似外賣快餐多過似茶記, 咁佢都有2張枱仔比客人坐既, 我一於算佢入茶記行列. 畢竟哩度d 野都幾好食, 直頭平靚正! 所以如果我早少少放工既話, 5點左右都會黎幫襯佢, 嘆番個下午茶! 下午茶$21 - $23 包飲品, 轉凍飲當然都係要加錢啦 +$2. 價錢真係幾抵架!


上圖: 門面
下圖: 店內貼滿哂餐, 包羅萬有, 慢慢睇



廚房同水吧都係哩個位.

今日叫左個炸雞脾+腿治跟凍奶茶.


隻炸脾, 塊皮真係炸得好脆, 雞肉又唔"鞋", 炸得岩岩好, 正!
個腿治雖然係大配角, 不過塊麵包好鬼軟熟又塗左d 牛油o係裡面, 真係唔錯!


哩度奶茶就一般啦, 不過但唔會話難飲囉. 事關我試過飲熱奶茶有少少"鞋", 所以我通常都會揀凍奶茶, 冇咁覺既. 對奶茶要求高既就唔好點啦.

消費: $21/ 位
味道: ★★★★
地址: 九龍灣牛頭角道15-19號嘉和園8號地下